Nakikaysa ni Pres. Ferdinand Marcos Jr. iti Muslim community iti intero a lubong iti panagrambak iti Eid’l Adha wenno Feast of Sacrifice.
Ti mensahe ti presidente, kinunana a nga ipalagip ti Eid’l Adha ti kinapateg ti natibker a pammati, panangsurot iti kayat ni Allah, ken panagtalek iti nangat-ngato a gagem para iti pada.
Segun ken ni Marcos, isuro ti panagrambak nga aniaman a sakripisyo para iti husto, maikalintegan ken napudno a gagem ket saan a masayang.
Impaganetget ti presidente a ti Eid’l Adha ket ipalagipna a rumbeng nga ikkaten iti panagbalin a managimbubukod ket rumbeng nga agbalin a napakumbaba, nadebosyon ken isakit iti pada.
Mangnamnama pay ti presidente nga agserbi nga inspirasyon iti panagrambak tapno tumibker pay iti tunggal Pilipino kas maymaysa a pagilian.
