Nagballaag ti Iran a mabalin a maapektaran ti maipatpatungpal a ceasefire understanding-da iti United States no agtultuloy dagiti panagatake iti Israel idiay Beirut, Lebanon iti baet iti kumarkaru a tensyon iti rehiyon.
Segun ken ni Iranian Foreign Minister Abbas Araghchi, ti katulagan iti Washington ket madak-dakamat iti ceasefire iti amin a fronts pakairamanan iti Lebanon ken aniaman a panaglabsing iti maysa a lugar a posible nga agresulta iti pannakapukaw iti pakabuklan a tulagan.
Ti sarita ket kasaruno ti bilin ni Israeli Prime Minister Benjamin Netanyahu a mangisayangkat iti airstrikes iti Dahieh district idiay Beirut nga inawaganna a “terror infrastructure” nga adda pakainaigan dagiti panagatake iti rocket ken drone a mainaig iti Hezbollah.
Segun ken ni US Pres. Donald Trump nga agtultuloy iti pannakikammayetna iti dua a biang pakairamanan ni Netanyahu ken kadagiti mangibagi nga adda pakainaigan iti Hezbollah.
