Nagpanawagan ni San Juan City Mayor Francis Zamora ti nadardaras a konstraksion dagiti classroom bayat nga indauloan ti siudad ti Mayor’s Dialogue on Accelerating Classroom-Building in Cities and Municipalities a napasamak idiay Makabagong San Juan Theater.
Nakipasetan ti diyalogo ti 240 a local chief executives, 45 city mayors ken 185 municipal mayors, kadua dagiti opisial ti sektor ti edukasion tapno mapagpapatangan ti solusion iti kinakurang ti classroom iti salinong ti Classroom-Building Acceleration Program (CAP) Act.
Segun ken ni Zamora, ik-ikkan bileg ti CAP act dagiti lokal a gobierno a direkta nga agisayangkat ti classroom projects nga agresulta iti nadardaras nga implementasion ken nainget a panangbantay.
Innayon na pay a maliklikan daytoy iti ghost ken substandard projects ken maikkatan ti namnama iti manmano nga implementing agencies.
