Impalubosen ti Department of Education kadagiti pribado a pagadalan a mangipatungpal iti more flexible learning delivery ken teacher training iti baet ti ngimmato a gastos iti koriente gapu iti national energy emergency.
Iti nairuar a memorandum, inlawlawag ti DepEd a mabalin nga ituloy dagiti pagadalan ti 5 nga aldaw a face-to-face classes wenno mangipatungpal iti blended learning tapno makatulong iti panangkissay ti operational expenses.
Babaen iti blended learning guidelines, mabalbalakadan dagiti pagadalan a limitaran iti maysa aldaw kada lawas ti remote classes para iti Kinder agingga Grade 6.
Ti blended learning ket kombinasion ti face-to-face instruction ken remote learning a mabalin a maisayangkat nga synchronous wenno asynchronous, babaen iti digital wenno non-digital technology.
Nabilin pay dagiti regional ken division office a bantayan a nasayaat ti pannakaipatungpal dagiti adjusted learning modality kadagiti pribado a pagadalan.
