Naidalanen iti fact-finding investigation ti Office of the Ombudsman dagiti reklamo a plunder, malversation, ken graft nga impila ni dati a Senador Antonio Trillanes IV kontra ken ni Vice President Sara Duterte mainaig iti saan a husto a pannakaaramat ti binilion a confidential funds.
Segun ken ni Assistant Ombudsman Mico Clavano, sakup ti reklamo ti mapapati nga inaramid ni Duterte idi mayor pay laeng isuna ken mangidaulo ti Department of Education.
Nupay kasta, pinasingkedan ni Clavano nga awan pay ti nalawag a patakaran iti panangipila iti kaso kontra iti maysa a nakatugaw a bise presidente a maysa nga impeachable official.
Kabayatanna, saan pay a mabigbig ti Ombudsman no makaapektar iti imbestigasionda ti testimonia ni Ramil Madriaga, a nangibaga a dati isuna nga aide ni Duterte ken sumango iti House Committee on Justice.
