Rinugianen ti Department of Education ti panangawat kadagiti Overseas Filipino Worker teacher a napilitan nga agawid iti Pilipinas iti baet ti agtultuloy a krisis iti Middle East.
Segun iti DepEd, makatulong ti reintegration program kadagiti Pilipino a mangisursuro manipud Middle East iti baet ti kinakurang dagiti mangisursuro iti pagilian.
Malaksid iti trabaho, nanglukat pay ti DepEd iti on-site registration para iti Accreditation and Equivalency tests para kadagiti OFW a kayatna ti agtuloy nga agadal wenno agsanay para iti nasaysayaat nga oportunidad iti trabaho, kasta payen ti Philippine Educational Placement Test para kadagiti annakda.
Nangted pay ti DepEd iti access iti Senior High School Voucher Program para kadagiti kwalipikado a dependent dagiti OFW.
Adda pay naisagana nga incentive packages para kadagiti agsubli nga OFW a kayatna ti ag-review para iti licensure exam dagiti mangisursuro.
