Dua ti nadangran iti napasamak a vehicular traffic incident idiay national highway sakupen ti Barangay Ronda, ili ti Sta. Lucia.
Ti nagmaneho ti Toyota Vios 155 ket agtawen ti tallopulo, lawyer ken residente ti #278, Purok 2, Santiago, Bauang La Union.
Ti met nagmaneho ti Euro Samurai ket agtawen ti duapulo ket lima, awan ti driver’s license na, kinalubbonna ti agtawen ti duapulo ket uppat, helper ken agpada da a taga Barangay Turod, Sta. Cruz.
Basar ti statement ti drayber ti Toyota Vios, agdaldalyasat isuna ii national highway nga agturong iti amianan a direksion ket idi magteng na ti nakapasamakan ti insidente, nag-flasher isuna ket na-innayad a nagpa-kannawan tapno ikkan dalan ti maysa pay a lugan ngem ti napataray nga Euro Samurai ket saan na a nakontrol ti manibela ken aksidente a nadungpar na ti likudan ti kotse.
Agpada a nadunor dagiti nagkalubbon iti Euro Samurai nga agdama a matamtaming iti balay pagagasan idinto a saan a naan-ano ti driver ti Vios.
