Immapela ti National Bureau of Investigation (NBI) ni Senator Ronald “Bato” Dela Rosa a palubosan a sumuko iti baet ti isyu ti arrest warrant iti International Criminal Court (ICC).
Dayta iti nagbalin a tignay ni NBI Director Atty. Melvin Matibag kalpasan a pinasingkedan ni Dela Rosa a saan isuna a sumurot iti panawagan dagiti minority senator a sumuko.
Impaganetget ni Matibag a kas dati a law enforcer, ammo ni dela Rosa ti proseso ken masansan a balakadanna idi dagiti subject iti warrant a sumuko a nasayaat.
Segun ti NBI Director, gagem ti nasao a panawagan a maliklikan iti aniaman a riri wenno kinnamat ken tapno sangwen ti sungsungbatanna iti linteg.
Impaganetget ni Matibag a ti warrant ket manipod iti maysa a “competent court” a rumbeng a mairespeto.
Imballaagna a no saan a sumuko ti senador ket manamnama iti posible a panagkamat ta mandato ti law enforcement nga ipatungpal ti linteg tapno maliklikan ti breakdown iti law and order.
Maipalagip a napaay dagiti otoridad nga iserbi ti warrant ken ni dela Rosa idi Lunes kalpasan a nagresulta iti panagkikinnamat iti panggep a panagkemmeg a gappuanan ti pannakaidalan ti senador ti protective custody iti Senado agingga iti agdama.
