Pinalawa ti Department of Education (DepEd) dagiti serbisio a para iti mental health ken anti-bullying kada pampubliko a pagadalan babaen iti Kaagapay Program.
Maibasar iti DepEd Memorandum No. 002 series of 2026, maibilang a dagiti nagannak kas co-educators a tumoltulong iti panangpapigsa ti values formation, positive discipline ken learner well-being iti pagtaengan kas suporta kadagiti programa ti pagadalan.
Segun ken ni Education Secretary Sonny Angara, mas mapapigsa ti suporta kadagiti estudyante no sangkamaysa nga aggaraw ti pamilia ken pagadalan para iti panangpasayaat ti kababalin dagiti agtutubo.
Adda nailatang a P100 milyon para iti panangipatungpal ti programa iti intero a lubong pakairamanan ti parent engagement sessions ken advocacy campaign tapno mapasayaat dagiti pagannurotan ti pagadalan iti praktikal nga aksion iti uneg ti pamilia. Reynand Fontejon
