Pinasingkedan ti Department of Education nga awan ti kinaagpaysu dagiti damag nga agwarwaras iti social media nga amin nga estudyante ket makaawat ti P1,000 monthly allowance idinto a dagiti junior ken senior high school (SHS) students ket masapul a dumalan iti weekly alcohol test.
Nagpalagip manen ti DepEd iti publiko nga agannad ken agbalin nga alerto kadagiti impormasyon a maipopost iti online ken nasaysayaat a labanan ti fake news wenno misinformation.
Binakaladanda iti publiko a bisitaen ti official social media accounts iti DepEd tapno maammoanda iti pudno a pakaammo ken impormasyon ti basic education.
Makalawas pay laeng manipod impila ni Batangas Rep. Leandro Leviste ti House Bill 27 a gagem a maipaayan ti P1,000 monthly allowance tapno maipaay ti taraon, pagplete ken school supplies dagiti estudyante.
Kinunana pay a ti gobierno iti mangilatang ti P300 billion kada tawen para iti nasao a programa.
