--Ads--
Saan a pakasikuran ni Miss Universe Philippines 2026 Bea Millan Windorski dagiti mangaw-awag kenkuana iti ‘mangga’ gapu iti tabas ti timidna.
Segun ken ni Windorski, kaykayatna pay ket a maaw-awagan iti mangga ta paboritona daytoy a prutas.
Immunan a pinasingkedan ti beauty queen a napadasanna idi ti na-bully ngem nasursurona nga awaten ti saanna a panagbalin a perpekto ta ti langana ket natawidna iti ina ken lolana.
Naipasngay ni Windorski idiay Milwaukee, Wisconsin, United States ngem adda darana a Pilipino manipud inana.
-- ADVERTISEMENT --
Isunanto ti mangibagi iti pagilian iti umadani a 75th edition ti Miss Universe idiay Puerto Rico inton November 2026.
