--Ads--
Inyendorson ti Senate Committee on Justice and Human Rights iti plenaryo dagiti gakat a mangted iti Philippine citizenship kada Bennie Boatwright ken Matthew Ramos.
Pinagpatangan ti komite dagiti gakat manipud iti Kamara ken Senado a ti gagemna ket bigbigen ti naitulong ni Boatwright iti basketball ken ni Ramos iti wrestling, nangruna iti tarigagayda a mangibagi iti Pilipinas kadagiti international competition.
Segun kadagiti agpampanday-linteg, makatulong dagiti 2 iti panangpapigsa kadagiti national team ken agserbida nga inspirasion kadagiti agtutubo a Pilipino nga atleta.
No aprubaran ti Senado ket agbalin a linteg, agbalinen a Filipino citizen dagiti 2 nga isu ti mangidalan kadakuada nga agay-ayam para iti pagilian ken iti ballasiw-taaw.
-- ADVERTISEMENT --
