Nagpanawagan ni House of Representative Speaker Ferdinand Martin Romualdez iti Department of Social Welfare and Development (DSWD) a ma-expand ti Pag-Abot Program para kadagiti agnanaed iti kalsada ken disadvantaged families.
Segun ken ni Romualdez, ti addang ket mangted ti agtultuloy a pagsapulan ken agbiag nga adda dignidad dagiti vulnerable, disadvantage ken hard-to-reach populations iti Pilipinas.
Inaramid ni Romualdez iti panawagan kalpasan a nagiwaras ti DSWD iti farming implements kadagiti 521 Aeta families idiay Barangay Maruglo, Capas, Tarlac.
Ti addang ket paset iti agtultuloy a tignay iti ahensia a tulungan ti indigenous people nga agbalin nga economically self-reliant ken maliklikan iti panagdawatda iti urban areas kangrunaan nu tiempo iti paskua.
Ti DSWD package a mangsuportar kadagiti Aeta families ket pakairamanan dagiti limapulo a nuang, sangapulo a hand tractors nga adda trailers, siam a mini-tiller cultivators, sangapulo a grass-cutter, sangapulo a water pumps, tallopulo ket tallo a knapsacks sprayers, innem a power sprayers, uppat a mini palay threshers ken tallo a rice mills.
