--Ads--
Impasigurado ti Department of Social Welfare and Development (DSWD) a naka-standby da para iti aniaman a nayon a tulong kadagiti apektado a pamilia idiay Albay gapu iti panag-alboroto ti Bulkan Mayon.
Segun iti DSWD, nakasagana da nga agipatulod iti nayon a suporta no kas bilang kasapulan ti lokal a gobierno ti Albay para kadagiti residente a nagbakwit.
Umabot iti nasurok 300, 000 a family food packs, nakurang 30, 000 a ready-to-eat food boxes ken nasurok 15, 000 a non-food item ti naka-preposition iti sibubukel a Bicol Region.
Segun ti ahensia, daytoy ket kas panangsurot iti direktiba ni Presidente Ferdinand Marcos Jr. a siguradoen nga adda naan-anay a taraon ken kangrunaan a kasapulan dagiti nagbakwit.
-- ADVERTISEMENT --
