Nagiwaras ti Department of Social Welfare and Development (DSWD) ti ₱10,000 a cash assistance iti tunggal maysa kadagiti 1,462 a vendors idiay Baclaran, Parañaque City a naapektaran kadagiti security measures para iti ASEAN Summit 2026.
Malaksid iti pinansyal a tulong iti sidong ti programa ti AICS, nangipaay pay ti ahensia kadagiti family food packs para kadagiti aglaklako ken pamiliada.
Nagpadispensar ni DSWD Secretary Rex Gatchalian kadagiti aglaklako ken babassit a negosio a temporario a napukaw ti matgedan da gapu iti panagsagana para iti summit.
Target met ti DSWD nga iwaras ti isu met laeng a tulong kadagiti 700 agingga iti 800 a vendors iti Pasay City ita nga aldaw ken maki uman kadagiti lokal a gobierno tapno mabigbig dagiti dadduma nga agkasapulan iti tulong.
