Mabalinen nga aramaten dagiti negosio ken establisimiento ti QR code ti baro a unified digital PWD ID tapno maberipika ti panagbalinna a lehitimo, segun iti National Council on Disability Affairs (NCDA).
Babaen iti Unified Persons with Disabilities Identification System, mablin a mai-scan ti kakaisuna a QR code tapno maanag ti impormasion ti cardholder iti centralized database ti Department of Social Welfare and Development (DSWD).
Inlawlawag met ti NCDA a saan a basta lattan a pagkedkedan ti PWD discount gapu laeng iti panagdudua iti ID, no di ket mabalin a mangisayangkat iti nayon a beripikasion no adda nainkalintegan a rasonna.
Kabayatanna, kasapulan pay a personal nga agparehistro dagiti aplikante iti Persons with Disability Affairs Office wenno local social welfare office kabayatan a mapaspasayaat pay laeng ti online registration system.
