VIGAN CITY – Maysa a grade 1 pupil ti nasagid ti nakamotorsiklo bayat ti panagballasiwna iti provincial road idiay Barangay Nambaran, Sto. Domingo, Ilocos Sur.
Ti pedestrian ket agtawen iti innem nga agnaed idiay Barangay Nambaran, Sto. Domingo idinto a ti nagmaneho ti nangisit a Honda TMX 125 motorcycle ket ni Rolly Lazo Azcueta, agtawen iti limapulo, naasawaan, fruit vendor, awanan ti driver’s license ken agnaed idiay Barangay San Jose, Narvacan kaduana ti asawana a ni Emelyn Argel Azqueta nga agtawen iti uppat a pulo ket siam, ket agpadada a nagaramat ti helmet.
Agpapadaya a direksyon ti motorsiklo idin kellaat a nagballasiw ti ubing manipod amianan a nagpabagatan a direksyon isu nga aksidente a nasagid ti nakamotorsiklo a gappuanan ti panaglamma ti ulo ken pannakagasgasna.
Babaen ti inana ket naipan ti ubing iti Tolentino Clinic and Hospital, Sto. Domingo para ti pannakatamingna.
Addan iti kustodiya ti Sto. Domingo Police Station ti motorsiklo para ti documentation ken proper disposition.
