--Ads--
Kinarit ni Ombudsman Jesus Crispin Remulla ti Bureau of Customs (BOC) a makibinnulig iti Office of the Ombudsman iti data sharing.
Pinasingkedan ni Remulla a ti kinakurang ti kooperasion ket mabalin nga agresulta iti pannakaitantan wenno pannakaibasura dagiti reklamo.
Segun ti opisial, adda dagiti gundaway a saan a dagus a maited ti BOC dagiti dokumento a kidkidawen ti Ombudsman para iti imbestigasion ken panangipila ti kaso.
Innayon ni Remulla a nakitinnulagen ti Department of Budget and Management iti Office of the Ombudsman para iti data sharing, pakairamanan ti direkta nga access ti anti-graft body iti government procurement records.
-- ADVERTISEMENT --
