--Ads--
Ad-adda pay a paingeten ni Ombudsman Jesus Crispin Remulla ti lifestyle check kadagiti opisial ken personnel ti Bureau of Internal Revenue (BIR) ken Bureau of Customs (BOC) tapno malapdan ti kurapsion.
Segun ken ni Remulla, nakaawat daytoy iti report nga adda dagiti personnel ti dua nga ahensia nga agsingsingir iti dakkel a gatad kadagiti negosiante ngem saanda nga inted ti katupagna a resibo.
Impaganetget ti Ombudsman nga amin a transaksion ti gobierno ket masapul nga addaan iti opisial a resibo ken ta no awan ket mabalin a maibilang a kurapsion.
Panggep ti naing-inget a panagsukimat iti estilo ti panagbiag a masalakniban ti buwis dagiti umili ken dagiti negosiante a posible a biktima ti ilegal nga aktibidad.
-- ADVERTISEMENT --
