Dead on arrival ti maysa a person with disability kalpasan a nadungpar idiay along national highway sakupen ti Barangay Langlangca 2nd, siudad ti Candon.
Ti nagmaneho ti Mitsubishi Montero SUV ket agtawen ti limapulo ket pito, negosiante, residente ti Barangay Talogtog iti nadakamat a siudad.
Ti met pedestrian ket agtawen ti limapulo ket maysa, residente ti Barangay Parioc 1st, Candon City.
Iti pannakiuman ti Bombo Radyo Vigan ken ni PLT Jovelyn Antalan ti Candon City Police Station, ti pedestrian ket magmagna iti right shoulder lane idinto a ti Montero ket agturong iti amianan a direksion.
Idi madanon da ti nakapasamakan ti insidente, ti pedestrian ket mapapati a kellaat a bimmalasiw iti kalsada rason ti pannakadungpar ti sumungad a lugan.
Gapu daytoy, nagsagaba ti head injury ken dunor iti barukong na a dagus a naipan iti balay pagagasan para ti naan-anay a pannakatamingna ngem naideklarar a dead on arrival.
Saan a naan-ano ti nagmaneho ti Montero iti napasamak nga aksidente.
