Posible a mabalin a makasoan ti service provider ken dagiti opisial ti pagadalan no mapaneknekan a kinaliway ti agbalin a rason ti pannakaray dagiti dua nga estudyante iti maysa a fun run idiay Cauayan City, Isabela.
Segun ken ni Philippine National Police (PNP) Spokesperson Col. Allen Rae Co, karaman kadagiti posible a kao ti reckless imprudence resulting in multiple homicide ken physical injuries.
Maipalagip a natay dagiti dua nga estudyante kalpasan a mapapati a nakuryente, idinto nga adda pay dua a nadunor iti maysa a fundraising activity iti Cauayan South Central School a nangrugi iti fun run ken sinaronoan ti bubble party.
Im-imbestigaran ti kapulisan ti setup ti event a naisayangkat iti open area no sadino nakaikabilan dagiti extension wire ken electrical outlet.
