--Ads--
Agarup 3,000 a tattao ti nakipaset iti lima a kilometro a zombie-themed Run For Your Life a naangay iti nasapa a paset ti Domingo, Nobiembre 1, sadiay Intramuros, Manila.
Nangrugi ken nagpatingga ti lumba iti Magallanes Drive, bayat a limmabas dagiti nakipaset iti sumagmamano a historical sites iti siudad a pakairamanan ti Manila City Hall, Memorare Manila 1945 Monument ken Manila Cathedral.
Dimmalan pay dagiti tumataray ti Padre Burgos Avenue, Victoria Street, Muralla, Anda ken Bonifacio Drive kas paset ti rutada iti uneg ken aglawlaw ti historiko a distrito.
Naituding met a maangay ita nga aldaw ti Halloween street party babaen ti Intramumu program ti Intramuros Administration kas paset ti selebrasion ti Halloween.
-- ADVERTISEMENT --
