--Ads--
Tallo a tattao iti natay kalpasan nga inarado ti maysa a lugan dagiti pedestrian idiay Oakland, California, a gappuanan payen ti pannakadunor ti driver ken dadduma pay a tattao.
Segun ti Oakland Fire Department, napaspas iti panagpataray iti lugan bayat nga agturong iti amianan iti 85th Avenue sakbay a nagsikko nga agturong iti International Boulevard.
Gapu dayta ket naidungpar iti maysa a nakaparada a lugan ken sumagmamano a pedestrian nga adda iti lugar.
Tallo a pedestrian iti natay iti mismo a nakapasamakan iti aksidente ken tallo iti naipan iti ospital para iti pannakatamingda.
-- ADVERTISEMENT --
Saan pay nga inruar dagiti otoridad ti pakabigbigan dagiti biktima bayat nga agtultuloy iti imbestigasyon.
