Agdama a ber-beripikaen ti Armed Forces of the Philippines dagiti damag mainaig ti maysa a Pilipino a maipagarup a natay bayat a makilab-laban kadua ti puwersa ti Russia iti agtultuloy a giyera idiay Ukraine.
Segun ken ni AFP spokesperson Col. Francel Margareth Padilla, saan pay nga opisial a makumpirma ti militar ti pakabigbigan ti nadakamat a Filipino fighter, uray ti eksakto a napasamak iti insidente.
Pinasingkedan na a nasapa pay a mangted ti AFP ti husto a sarita bayat a mannarimaan ti proseso ti imbestigasion ken validation.
Inruar ti AFP ti statement kalpasan ti damag manipud iti maysa nga independent Ukrainian news agency.
Immuna met a nagpalagip ti Department of Foreign Affairs (DFA) kadagiti Pilipino kontra iti pannaki-kadua kadagiti foreign armed conflict wenno panagbalin kas maysa a “mercenary” wenno dagiti mabayadan a suldado iti sabali a pagilian.
