--Ads--
VIGAN CITY- Dinayaw ni Governor Ryan Singson ti Provincial Disaster Risk Reduction Council iti panangidaulo ni PDRRMC Officer Michael Chan gapu ta napan da timmulong idiay Pangasinan iti panagduprak ti habagat a pinapigsa ti Bagyo Josie ket namnamaen na nga ado pay ti matulungan na kadagiti sumarsarano nga aldaw.
Segun ken ni Governor Singson, uray nu nangipatulod ti PDRRMC ti augmentation idiay Pangasinan ket kampante isuna a saan a mabay-bay-an iti probinsiya ta adu dagiti nabati a rescuers.
Malaksid iti augmentation team ket kadua da a napan idiay Calasiao, Pangasinan ti maysa a 6×6 truck, maysa a pick-up hilux, maysa a rescue boat ken dua a dump truck nga inusar da iti panagbakwit kadagiti residente.
-- ADVERTISEMENT --
