Pinadayawan ti House of Representatives ti P-Pop sensation a BINI gapu iti naimalditda a kaunaan a Filipino pop group a nagperform iti Coachella Valley Music and Arts Festival 2026.
Naaramid iti pammigbig iti BINI iti plenary session iti panangidaulo ni House Speaker Faustino “Bojie” Dy kaduana da Majority Leader Ferdinand Alexander “Sandro” Marcos ken Negros Occidental 3rd District Rep. Javier Miguel “Javi” Benitez.
Dimmar-ay amin a miembro iti BINI para iti nasao a pammadayaw ket naikkanda iti saggaysa a kopya iti House Resolution a pinatibker iti Kamara a nakailanadan iti panangpadayaw kadakuada gapu iti international achievement-da ken dakkel a kontribusyonda iti panangiyam-ammo iti intero a lubong iti kultura dagiti Pilipino.
Naipaganetget iti resolusyon ti panag-perform iti BINI iti Coachella 2026 ket maysa a dayaw iti pagilian ken pammaneknek a ti talento dagiti Pilipino ket kabaelanna a makisabay iti international entertainment industry.
