--Ads--
Nakagun-od iti tallo a nominasion ti Pinoy girl group a BINI iti BreakTudo Awards 2026, karaman ti International Women’s Group.
Makabinnalubalda iti daytoy a kategorya dagiti grupo kas ti BABYMONSTER, BLACKPINK, FLO, ILLIT, ITZY, KATSEYE ken TWICE, idinto a ti kantada a “Sweet Note” ket nominado met iti International Music Video.
Nominado pay dagiti fans-da a Blooms para iti International Fandom of the Year, agraman dagiti fandom ti SB19, BTS, BIBI, BLACKPINK, ENHYPEN, FREENBECKY ken Taylor Swift.
Nangrugi ti panagbotosan idi Setyembre 17 ken malpas inton Oktubre 17, idinto a ti awarding ceremony ket inton Nobiembre 24 idiay São Paulo, Brazil.
-- ADVERTISEMENT --
