Nawaya-wayaan ti National Bureau of Investigation (NBI) volunteer driver a ni Mel Oragon kalpasan a nakapyansa iti Pasay City court iti P116,000 para iti panaglabsing ti Comprehensive Firearms and Ammunition Regulation Act ken Direct Assault.
P80,000 ti inrekomendar ti korte a pyansa para iti kaso a Comprehensive Firearms and Ammunition Regulation Act ken P36,000 para iti Direct Assault.
Ni Oragon ket nakemmeg idi May 13, 2026 iti Senate Security Detachment kalpasan ti shootout iti Senate building iti uneg ti GSIS Compound.
Immunan a pinasingkedan ti Philippine National Police (PNP) a nagpositibo ni Oragon iti gunpowder nitrates.
Kabayatanna, nagturong iti NBI dagiti kameng ti PNP-CIDG kadua ni CIDG NCR Dir. Col. John Guiagui maipanggep iti imbestigasyonda iti insidente iti panagpaputok iti uneg iti Senado.
