Nakemmeg ti maysa a lalaki gapu iti panaglabsingna iti Republic Act 9165 wenno Comprehensive Dangerous Drugs Act of 2002 ken Republic Act 10591 wenno Comprehensive Firearms and Ammunition Regulation Act idiay Barangay Camarao, Narvacan, Ilocos Sur itattay bigat, June 30, 2026.
Ti suspek ket agtawen iti uppat a pulo ket tallo, naasawaan, truck driver nga agnaed iti nasao a lugar.
Iti insayangkat a search warrant operation dagiti otoridad iti residential house nga ayan ti suspek ket gappuanan iti pannakaala iti nasurok-kumurang 13.19 a gramo iti mapapati a napagango a bulong iti marijuana nga aggatad ken P1,582 a naipan iti dua a transparent plastic sachets ken rason ti nakakemmegan ti suspek.
Naala pay kenkuana iti non-drug items a maysa a homemade caliber .38 revolver; maysa a caliber .38 live ammunition loaded inside the cylinder; maysa a cal. 38 live ammunition; dua a cal .30 live ammunition; maysa a caliber 5.56 live ammunition; ken maysa a nangisit nga sling bag.
