Maysa a senior citizen ti nakemmeg ta naalaan iti mapapati a marijuana idiay Barangay Namitpit, Quirino, Ilocos Sur itay bigat, June 29, 2026.
Ti suspek ket lalaki nga agtawen iti innem a pulo ket dua, naasawaan, awanan iti trabaho nga agnaed iti nasao a lugar.
Inwayat ti operating units iti search warrant kontra iti suspek gapu iti panaglabsingna iti Republic Act 9165 wenno Comprehensive Dangerous Drugs Act of 2002 nga inruar ti Judge iti Regional Trial Court Branch 25, Tagudin a gappuanan iti pannakakemmegna.
Naala kenkuana ti drug items a dua a piraso iti fully grown iti mapapati a marijuana plants nga aggatad iti P400 ken maysa a transparent plastic sachet a naglaon iti napagango a green leafy susbstance iti mapapati a marijuana nga agdagsen iti 5.18 pakairamanan ti plastic sachet ken mappatta-patta nga aggatad iti P621.
Dagiti non-drug items a naala kenkuana ket pakairamanan ti maysa nga improvised tooter nga adda nakaipan a plastic straw a mapapati a naaramat kas drug paraphernalia; maysa a glass pipe a naglaon iti mapapati a shabu residue; maysa nga identification card; ken dua a plastic bags.
