Nagsagaba iti third degree skin burn ti maysa a lalaki a nakoriente idiay Barangay Babayoan, Sta. Cruz, Ilocos Sur itay 9:30 iti bigat, May 16, 026
Ti biktima ket agtawen iti uppat a pulo ket dua, naasawaan, mannalon nga agnaed idiay Purok 7, Barangay Babayoan, Sta. Cruz.
Nakaawat ti tawag ti Sta. Cruz Municipal Police Station manipod ken ni Barangay Captain Samuel Binas-o Jr. maipanggep iti pannakakoriente isu a nagrespondeda.
Idi nakasangpet dagiti otoridad ket naipanen ti biktima iti Ilocos Sur District Hospital, Sta. Lucia ngem naiyakar iti ITMRC, San Fernando, La Union para iti medical attention.
Segun ken ni Kapitan Binas-o, agdaldalus ti biktima iti tuktok iti pagtaenganda idin naisagid ti likod a paset ti bagina iti live electrical wire a gappuanan iti pannakakorientena.
