Simmangpet idiay Maldives dagiti tallo a Finnish divers tapno agplano para iti panangsapul kadagiti bangkay dagiti uppat nga Italian divers a mapapati nga adda itiuneg ti maysa a nauneg a kueba iti uneg iti kabaybayan.
Naisardeng pay laeng ti search operation kalpasan a natay ti maysa a lokal a military diver bayat nga ipadpadasda a makadanon iti ayan dagiti mapukpukaw.
Segun ti Foreign Ministry bayat nga agex-explore iti kueba iti nasurok-kumurang 50 a metro a kauneg iti Vaavu Atoll idi Huebes.
Dayta ket naun-uneg ngem iti naituding a recreational diving limit idiay Maldives a tallopulo a metro laeng.
Nabigbig ti natay a Maldives diver a ni Mohamed Mahudhee, a natay gapu iti decompression sickness. Naitabon isuna nga adda military honors-na a dinar-ayan ti presidente iti Maldives a ni Mohamed Muizzu.
Segun ti gobierno iti Maldives, ti tallo a Finnish divers ket eksperto iti deep ken cave diving ken makitinnulong iti coastguard tapno mangbukel iti baro a search strategy.
