Narigat a patgan ti Senado ti kiddaw ni Vice President Sara Duterte a gastoan para iti catering dagiti staff-na ken defense team-na iti impeachment trial.
Segun ken ni Senate President Sherwin Gatchalian, awan ti pondo ti Senado kangrunaan ket kasapulan ti agabang iti lugar iti Philippine International Convention Center (PICC) para iti committee ken budget hearing manipod Agosto.
Segun ken ni Gatchalian, ad-adalendan ti nasao a banag ta adu pay iti committee hearings nga aramidenda isu a posible a marigatanda a mangted iti taraon iti prosecution ken defense.
Uray ni Senador Panfilo Lacson ket linapdanna ti nasao a kiddaw ti opisina ti bise presidente.
Kas chairman iti Committee on Accounts iti Senado, sumagmamano kadagiti rason ti panaglappedna iti kiddaw ti OVP ket gapu ta kwestyunable ken irregular dayta para iti Senado ta adda bukodda a caterer a dumaldalan iti regular bidding process.
Kinunana a ti kiddaw nga i-accommodate ti caterer ti OVP ken pananggastos iti taraon ti defense team, support staff ken dagiti testigo ket posible a panaglabsing iti Government Procurement Law.
