Nagbalaag ni Impeachment Trial Presiding Officer Francis “Chiz” Escudero iti depensa ken prosekusyon a saan na a palubosan ti aniaman a “federations” manipud iti aniaman a kampo, uray man sungbat daytoy iti saludsod ti maysa a senator-judge.
Pinasingkedan ni Escudero a gagem daytoy a maikkan ti gundaway dagiti testigo nga ipresentar ti bukod da nga ebidensia, imbes a mangted dagiti counsel ti statement da mainaig iti facts ken law.
Inaramid ti presiding officer ti balaag kalpasan nga agipila ti mosion ni Senator-Judge Pia Cayetano nga ikkaten iti rekord ti nagbalin a sungbat ni prosecution counsel Atty. Amando Ligutan iti saludsod ni Senator-Judge Risa Hontiveros, a maikumpara iti “closing statement.
Immuna a sinaludsod ni Hontiveros no kasano nga agbalin nga impeachable defense ti pinasingkedan ti bise presidente iti video a mangala isuna ti assassin a mangpatay iti First Family.
