Nagsiddaaw ti House prosecution iti panangikkat ti kampo ni Bise Presidente Sara Duterte iti sumagmamano a saksi iti impeachment trial gapu ta napukawda ti gundaway a mangsukimat ken mangkuestion kadagiti testimoniada.
Segun iti prosekusion, nakasaganada a mangisayangkat iti cross-examination kadagiti amin a saksi nga idatag ti depensa ken makaalada pay iti impormasion a mangpapigsa iti bukodda a kaso.
Kabayatanna, impapilit ni Prosecution Legal Spokesperson Atty. Benjamin Tolosa nga inadmitir ni Punay a nakaawat ni Duterte iti income manipud iti GenCorp bayat ti panagtakemna, uray no nasurok a P30 million ti naala ti kompania a kontrata manipud iti gobierno ti Davao City.
Nupay kasta, kinuna ti prosekusion nga adda kadagiti senador-judges a mangtingiting iti pigsa ken kadagsen dagiti ebidensia nga indatag ti agsumbangir a dasig.
