Agdesision ita nga aldaw, Lunes, Hulyo 20, ti Senate impeachment court no mapagbigyan ti mosion ti prosekusyon nga agirruar ti subpoena tapno maala ti bank ken tax records ni Vice President Sara Duterte ken ti asawa na a ni Atty. Manases Carpio.
Segun iti impeachment court, adalen pay nga umuna dagiti senator-judges ti mosion kalpasan a nangeg ti panig ti prosekusyon ken depensa.
Trinatar dagiti senador ti kiddaw ti prosekusyon, bayat nga impaganetget ni Impeachment Court Presiding Officer Francis Escudero a masapul pay daytoy a masukisok gapu ta saan pay nga amin a senador ket nalpas nan a basaen dagiti memorandum nga impasa ti agsumbangir a kampo.
Segun ken ni Senate Impeachment Court Spokesperson Atty. Reginald Tongol, dagiti senador laeng a dumar-ay iti session ti agbotos iti mosion.
Impakaammo ni Tungol a masapul a makaala ti saan a bumaba iti sangapulo ket maysa a botos ti senado tapno maipasa ti mosion.
