Maibilang a ‘national security concern’ ti kompania a mainaig iti asawa ni Vice President Sara Duterte a ni Atty. Manases Carpio gapu iti posible a national security implications, segun ken ni House prosecution spokesperson Rep. Zia Alonto Adiong.
Ti statement ti agpampanday linteg ket nagtaud kalpasan a kinumpirmaran ti Anti-Money Laundering Council (AMLC) a ti kompania a mainaig ken ni Duterte ken Carpio ket nakaawat ti P319 milyon manipud iti China ken HongKong.
Iti impresentar ti AMLC, makita ti P315.93 milyon ket manipud iti mainland China, idinto a ti P3.39 milyon ket naggapu iti Hong Kong Special Administrative Region.
Kwinestyonaran met ni VP Sara dagiti alegasion ken sinaludsod na no maiparit kadi ti makipag-negosio iti China.
Segun ken ni Adiong, masapul nga imbestigaran dagiti otoridad ti posible a money laundering activities a karaman dagiti kuwarta manipud kadagiti nadakamat a pagilian.
