Idaulaon da House prosecutors Terry Ridon ken Jose Manuel “Chel” Diokno ti panangidatag ti ebidensia mainaig ti maipagarup a saan a maipalawag a baknang ni Vice President Sara Duterte.
Kinumpirma ni Ridon nga isu ken ni Diokno ti co-lead prosecutor para iti Article II no sadino naakusaran ni Duterte ti culpable violation of the Constitution ken betrayal of public trust.
Segun ken ni Ridon, mangrugi ti pannakaidatag dagiti ebidensia para iti unexplained wealth inton Lunes, Setyembre 14.
Kiniddaw ti prosekusion iti Senate impeachment court nga agirruar dagiti subpoena para kada retired Sandiganbayan Presiding Justice Amparo Cabotaje-Tang; Atty. Karen Batu, officer-in-charge ti records division ti Office of the Ombudsman; ken Securities and Exchange Commission Company Registration and Monitoring Department Director Gerardo Del Rosario.
