Agsagsagana dagiti public prosecutor nga i-cross examine dagiti testigo ti kampo ni Vice President Sara Duterte no mangrugin ti depensa iti impeachment trial.
Segun ken ni Bicol Saro Party-list Rep. Terry Ridon, agbalin a napateg a paset ti trabaho ti cross-examination wenno panagsaludsod dagiti testigo nga ipasango ti depensa.
Iti umuna a paset ti trial, kangrunaan a nagidatag ti ebidensia dagiti private prosecutor nupay kasta, pinasingkedan ni Ridon nga agpada nga agtalinaed nga aktibo ti public ken private prosecutors iti panagsaludsod dagiti testigo ti depensa.
Manamnama a sukisoken ti prosecution dagiti statement ken ebidensia nga ipasango ti kampo ni Duterte kontra kadagiti alegasion mainaig ti confidential funds, saan a maipalawag a baknang, bribery ken grave threats.
