Target ti House of Representatives a maipasa iti maikatlo ken maudi a pannakaibasa inton October 9 ti proposed 2027 National Budget nga aggatad iti P7.2 trillion.
Dayta iti pinasingkedan ni House Committee on Appropriations Chairperson ken Nueva Ecija Representative Mikaela Suansing kalpasan nga inturn-over ti Department of Budget and Management (DBM) iti House of Representatives ti 2027 National Expenditure Program (NEP).
Segun ken ni Suansing, inton August 17 agingga September 8 a matratar ti budget hearings iti Komite a marugian babaen ti briefing iti Development Budget Coordination Committee wenno DBCC.
Siguradoen ni Suansing a maipatungpal manen dagiti reporma a naisayangkat idi napan a tawen tapno agbalin a silulukat iti publiko iti panagadal iti national budget.
Karaman iti nadakamat ni Suansing ti panag-livestream ti committee hearings, deliberasyon iti plenaryo ken panangsalang ti budget iti bicameral conference committee.
