Nakalung-awen iti rigat ti nasurok-kumurang 8.8 million a Pilipino kalpasan a bimmaba ti insidente iti kinarigat wenno poverty incidence iti pagilian.
Segun ti Department of Economy, Planning and Development (DEPDev) iti napasamak a panagdenggeg iti Development Budget Coordination Committee iti Kamara, umabot laeng iti 9.7% ti poverty incidence iti pagilian idi 2025.
Nangato iti nairekord a panagbaba no yarig iti 18.1% a lebel iti kinarigat idi 2021.
No man pay napintas iti naipakita a panagdur-as, inamin ni DEPDev Secretary Arsenio Balisacan nga agtaltalinaed ti pangta ti inflation wenno ti napaspas a panagpangina ti presyo dagiti kangrunaan a magatang ken serbisio a posible a makaapektar iti agtultuloy a panagbaba iti lebel iti kinarigat iti pagilian.
