Mapapati a mangipan ti Kamara de Representantes dagiti safeguard tapno masigurado a husto iti panaggastos iti P7.2 trillion budget para inton 2027.
Dayta iti pinasingkedan ni House Committee on Appropriations chairperson ken Nueva Ecija Rep. Mika Suansing iti panagrugi ti panagtratar ti Kamara iti gakat a budget a rinugian ti briefing ti Development Budget Coordination Committee (DBCC).
Segun ken ni Suansing, tunggal piso ti budget ket naggapu iti dara ken ling-et dagiti Pilipino isu ga agbalin a nainget ti deliberasion iti Kongreso kadagiti sumarsaruno a bulan tapno masigurado a mailatang kadagiti programa a marikna dagiti umili.
Kinuna ni Suansing a matratar ti 2027 National Expenditure Program (NEP) iti salinong dagiti reporma nga impatungpal ti Kamara iti panagtratar ti 2026 national budget.
