--Ads--
Agipila ti mosyon ti Department of Justice (DOJ) iti korte ti Timor-Leste mainaig ti panagkedkedda iti extradition request ti Pilipinas para ken ni dati a congressman Arnie Teves.
Segun ken ni Justice Secretary Boying Remulla, tumulong kadakuada iti dadduma pay nga ahensya iti gobierno tapno maisubli ti dati a kongresista iti pagilian.
Mabalin nga ipa-deport laeng ni Teves ta kanselado ti passport-na isu a maibilang nga undocumented Filipino.
Kinuna ni Remulla a makaapektar iti imahe ti Timor-Leste nu saan a mapasubli ni Teves kangrunaan ket kayatda nga agbalin a miembro iti ASEAN.
-- ADVERTISEMENT --
Awan pay laeng ti sarita ti Department of Foreign Affairs (DFA) nu mabalinda nga agrequest ti deportation tapno makasubli iti pagilian ni Teves.
