--Ads--
Awan pay iti impormasyon ti Department of Justice (DOJ) maipanggep iti mapapati a nairuar a warrant of arrest iti International Criminal Court (ICC) para ken ni Senador Ronald Bato Dela Rosa.
Segun ken ni DOJ Spokesperson Atty. Polo Martinez, agingga ita ket awan pay iti impormasyonda maipanggep iti nasao a banag.
Kinondenar met ti Partido Demokratiko Pilipino ti mapapati a pannakairuar ti warrant kontra kadagiti miembro.
Kinuna ni PDP Deputy Spokesperson Atty. Ferdinand Topacio a nu pudno ti warrant ket rumbeng laeng a kondenaren kas ehemplo iti panangsalungasing iti soberania kas maysa a pagilian.
-- ADVERTISEMENT --
Immunan a linawagan ni Interior Secretary Jonvic Remulla nga awan pay iti impormasyon iti ICC warrant ken maibilang pay laeng ita dayta a tsismis.
