DOH, nagpalagip kadagiti motorista a liklikan ti agmaneho a nakainom

Nagpalagip ti Department of Health iti publiko a liklikan ti panagmaneho a nakainom kangrunaan ita a holiday season.

Dayta ket kalpasan a nakairekord ti DOH nga iti kadakkelan ti bilang dagiti road accident ket dagiti nakainom ti arak.

Balakad ni Health Secretary Teodoro Herbosa a lilikan ti agmaneho wenno mangibaon ti sabali a tao nga agmaneho.

Kadagiti kaso ti road accident, dagiti nakamotor ti kangatuan ti bilang dagiti maak-aksidente.