Nagbalaag ti Department of Migrant Workers para kadagiti returning domestic workers partikular kadagiti dati nga agtar-tarabaho idiay Saudi Arabia kontra kadagiti ilegal a recruiter a mangitukon ti napardas a trabaho idiay Abu Dhabi ken Dubai usar ti peke nga Overseas Employment Certificates (OECs).
Segun ken ni Undersecretary Olalia, liklikan a mabiktima kadagituy a klase ti panagswitik babaen ti panang-peke ti trabaho a papanam.
Ti balaag ket kasaruno iti pannakakemmeg ken ni Gie Celleros Viterbo iti maysa nga entrapment operation ti National Bureau of Investigation-Human Trafficking Division ken DMW’s Migrant Workers Protection Bureau.
Naduktalan ti Bureau of Immigration ken DMW a peke a dokumento ti inaramat ni Viterbo iti panangiproseso dagiti papeles ti biktima tapno makasubli iti sabali a pagilian tapno agtrabaho.
