Kumpiyansa ni Public Works and Highways Secretary Vince Dizon a ti Department of Justice (DOJ) ken ti Office of the Ombudsman ket dagus a mangipila ti kaso kontra kadagiti adda iti likudan ti maipagarup a flood control kickback scheme.
Ti statement ni Dizon ket sungbat iti immuna a pinasingkedan ni Palace Press Officer Atty. Claire Castro a ti DOJ ken Ombudsman ket overwhelmed gapu iti kina-adu ti kasapulan a maaramid tapnbo imbestigaran dagiti karaman iti kontrobersiya.
Naragsakan ni Dizon iti nagbalin a performance ti Independent Commission for Infrastructure, maysa a komision a binukel ni Presidente Ferdinand Marcos Jr. tapno imbestigaran dagiti karaman iti flood control controversy.
Innayon pay ti opisial a saan na pay a nakita ti final report ngem iti napalabas nga innem a bulan ket adu dagiti nagapuanan da.
