Nangipila ti Bureau of Internal Revenue iti kaso a tax evasion kontra kada dati a Presidential Spokesperson Harry Roque, asawana a ni Mylah Reyes Roque, ken ti associate-da a ni Percival Sazon Ortega mainaig iti holding company-da.
Ti kaso, a naipila iti Department of Justice idi kalman, ket adda pakainaiganna iti Biancham Holdings and Trading, Incorporated.
Maibasar iti imbestigasion ti BIR, saan a nakaipasa dagiti 3 iti kasapulan a tax returns ken saanda a nagbayad iti buwis ti transfer of shares ti stocks ken panagpangato ti authorized capital stock.
Mapatta-patta a nasurok P3.35 million ti pakabuklan a tax deficiency, agraman ti surcharges ken interes.
Nakakita ti BIR iti umdas a pagibasaran tapno makasoan dagiti agassawa a Roque ken ni Ortega iti willful attempt to evade taxes iti salinong ti Section 254, ken failure ti file tax returns iti salinong ti Section 255 ti National Internal Revenue Code of 1997.
