Nagkiddaw ti pammakawan ni Interior Secretary Jonvic Remulla iti lalaki a naticket-an kalpasan a naaktoan a nakaussob bayat ti panagikiwarna iti semento iti ruar ti pagtaenganda idiay Barangay Addition Hills, Mandaluyong City.
Segun ken ni Remulla, turongenna kadagiti sumarsaruno nga aldaw ti nasao a lalaki.
Kinuna ni Remulla a basolna dayta ta saan a nangted iti nalawag a bilin no kasano ti Safer Cities Initiatives.
Gagem ti kampania a maaddaan iti nakappia a kalsada ngem gapu iti pagkuranganna ket uray siasino a nakaussob ket matiktiketan.
Aminado a kamalina dayta isu nga akoenna iti responsibilidad ket ingkarina a kasaritananto dagiti mangipatpatungpal iti inisyatiba.
Ti salinong ti Safer Cities Initiative ket umabot iti 6,000 a tattao a nakaussob iti nakemmeg idiay Metro Manila manipod April 6 idinto a nasurok 60,000 met iti nasitar iti agduduma a panaglabsing a kaaddoan ket agin-inom iti arak ken agsigsigarilyo kadagiti pampubliko a lugar.
