Imbutaktak ni Senate President Alan Peter Cayetano a nagtaud ti tensyon iti warning shots ti Acting Office of Senate Sergeant-at-Arms (OSAA) kontra iti maysa nga agent ti National Bureau of Investigation (NBI) a nagibales iti putok sakbay a nagresulta iti nagsasaruno a panagpinnutok.
Iti mensahe ni Interior Secretary Jonvic Remulla ken ni Cayetano, duapulo ket pito a rounds iti OSAA idinto a mamin-lima a daras met iti NBI agent.
Kinuna ni Cayetano a nag-verbal warning iti OSAA ket saan a nagsardeng ti NBI a sumrek iti Senado isu a nagpaputokda iti ere ngem ti parikot ket nagibales ti NBI.
Inlawlawag ni Palace Press Officer Claire Castro a ni GSIS President ken General Manager Wick Veloso ti nagkiddaw ti tulong manipod NBI tapno i-secure ti GSIS building iti baet ti tensyon iti mapapati a panangkemmeg ken ni Senator Ronald “Bato” dela Rosa.
Agab-abang ti Senado iti paset ti GSIS compound ken konektado dayta iti GSIS babaen ti maysa a rangtay na ti akin-iggem iti tulbek ket ti Senate OSAA.
